Mahigit 121,000 indibidwal na ang nakatanggap ng kanilang booster shots sa Muntinlupa City.
Batay sa datos ng City Health Office, noong Abril 6, nasa kabuuang 121,428 indibidwal ang nabigyan ng kanilang booster shot.
Ang kabuuan ay katumbas ng 25 porsiyento ng 486,037 na ganap na nabakunahan na mga indibidwal sa Muntinlupa at 27 porsiyento ng 442,517, o 80 porsiyento ng kabuuang populasyon ng lungsod na 553,146 batay sa datos ng Department of Health (DOH).
Mula Marso 30 hanggang Abril 6, ang boosted population ay umakyat mula 115,435 hanggang 121,428, o kabuuang 5,993 indibidwal na nakakuha ng kanilang booster doses o 856 na recipients bawat araw.
50.78% examinees, pasado sa Nov. 2024 Licensure Exam for Agriculturists
Sa bansa, iniulat ng Department of Health (DOH) na noong Abril 3, 12.15 milyong Pilipino ang nakatanggap ng kanilang booster doses, o 18.4 porsiyento ng 66.12 milyon na ganap na bakunado.
Sa 12 hanggang 17 age group sa Muntinlupa, 38,436 na ang ganap na nabakunahan noong Abril 6, o 68 porsiyento ng kabuuang populasyon na 56,499.
Bukod dito, 8,854 na lima hanggang 11 taong gulang ang ganap na nabakunahan sa Muntinlupa, o 13 porsiyento ng kabuuang populasyon na 68,198 para sa agre group
Noong Abril 7, naitala ng Muntinlupa ang tatlong natitirang aktibong kaso ng Covid-19 mula sa 39,911 na kumpirmadong kaso, 39,294 ang nakarekober at 614 ang namatay.
Anim sa siyam na barangay sa Muntinlupa ang Covid-19-free: Tunasan, Bayanan, Ayala Alabang, Cupang, Buli at Sucat. Ang tatlong aktibong kaso ay naitala sa Poblacion, Putatan at Alabang.
Hinggil sa panukalang maglagay ng anim na buwang validity sa vaccination card, sinabi ni Health Usec ni Maria Rosario Vergeire sa isang media briefing noong Abril 5 na pinag-aaralan ng DOH ang mga panukala batay sa mga karanasan ng ibang mga bansa kung paano nila pinagtibay ang isang bagong termino para sa mga taong "ganap na nabakunahan".
Sa Singapore, aniya, muling tinukoy nila ang "ganap na nabakunahan" sa pamamagitan ng pagpapataw ng panahon ng bisa ng siyam na buwan para sa pangunahing serye. Matapos itong mag-expire, kailangan ng mga tao na makuha ang kanilang mga booster shot.
Jonathan Hicap
