DOH, exempted sa election spending ban -- Comelec

By Mary Ann Santiago

March 31, 2022

In BALITA National

Binigyan ng Commission on Elections (Comelec) ng exemption sa election-related spending ban ang Covid-19 immunization program ng Department of Health (DOH).

“Doon sa ating mga application for exemptions, especially sa social services, Department of Health, we granted the petition of the DOH’s specialized units for the immunization program against COVID-19,” ayon kay Comelec Commissioner George Garcia, sa isang pulong balitaan nitong Huwebes.

Aniya, pinagbigyan din nila ang petisyong inihain ng Department of Trade and Industry (DTI).

Nakatakda rin aniya nilang talakayin sa susunod na linggo ang 20 pang petisyon na inihain sa kanilang tanggapan.

Matatandaang noong nakaraang linggo, una nang pinahintulutan ng Comelec ang pagpapatuloy ng mga Covid-19 programs ng Office of the Vice President (OVP) kahit panahon ng halalan.

Sa ilalim ng Resolution No. 10747 ng Comelec, kinakailangan ang certificate of exemption upang makapagpatupad ng mga aktibidad at mga programa na may kinalaman sa social welfare projects at services habang umiiral ang spending ban mula Marso 25 hanggang Mayo 8, 2022.

Ang national at local election sa bansa ay nakatakdang idaos sa Mayo 9, 2022.

Sarangani, niyanig ng magnitude 4.4 na lindol

Niyanig ng magnitude 4.4 na lindol ang probinsya ng Sarangani nitong Lunes ng umaga, Setyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 9:48 ng umaga.Namataan ang epicenter nito 15 kilometro ang layo sa timog-kanluran ng Maitum, Sarangani, na may lalim na 22 kilometro.Wala namang inaasahan...

Alice Guo, nailipat na sa Pasig City Jail

Mula Philippine National Police (PNP) custodial center sa Camp Crame, nailipat na si dismissed Bamban, Tarlac Mayor Alice Guo sa Pasig City Jail nitong Lunes ng umaga, Setyembre 23.Ayon sa ulat ng ABS-CBN News, sakay si Guo ng isang coaster bus kasama ang iba pang mga sasakyan na bahagi ng convoy nito patungong Pasig City Jail Female Dormitory.Matatandaang kamakailan lamang nang ipag-utos ng Pasig...

Easterlies, nakaaapekto sa ilang bahagi ng bansa

Kasunod ng paghina ng southwest monsoon o habagat, inihayag ng Philippine Atmospheric, Geophysical and Astronomical Services Administration (PAGASA) na ang easterlies ang nakaaapekto sa ilang bahagi ng bansa ngayong Lunes, Setyembre 23.Sa tala ng PAGASA kaninang 4:00 ng madaling araw, inaasahang magdadala ang easterlies o ang mainit na hanging nagmumula sa karagatang Pasipiko, ng medyo maulap...