Posibleng mapalawig pa ang libreng sakay na ipinagkakaloob ngayon ng Department of Transportation (DOTr) at Metro Rail Transit Line 3 (MRT-3).
Pagdidiin ni MRT-3 OIC-general manager Mike Capati, pag-aaralan ng DOTr at ng MRT-3 management kung ie-extend pa ito matapos umpisahan ang pagpapatupad nito noong Marso 28 at nakatakdang matapos sa Abril 30.
“Pag-aaralan natin iyan, ng MRT at saka DOTr management, kung puwede natin i-extend at para naman makatulong tayo sa subsidy ng mga mananakay natin,” ani Capati sa Laging Handa press briefing nitong Martes.
Una nang iniulat ng MRT-3 na naging matagumpay ang unang araw ng pagpapatupad nila ng libreng sakay matapos na mabigyan ng serbisyo ang kabuuang 281,507 pasahero noong Lunes.
Marikina LGU: Ulat na dinukot ang 4 na menor de edad sa lungsod, fake news!
Aniya, inaasahang aabot ng mula 300,000 hanggang 400,000 ang mga pasahero kada araw ng MRT-3 habang umiiral ang kanilang libreng sakay.
