Pansamantalang isasarado ng Metro Rail Transit Line 3 (MRT-3) management ang entry at exit points ng Building A ng Shaw Boulevard Station upang bigyang-daan ang pagsasagawa ng kanilang improvement activities.
Sa paabiso ng MRT-3 nitong Linggo, nabatid na ang pagsasara ay magsisimula sa Marso 21, Lunes, at magtatagal hanggang sa Marso 22, Martes.
50.78% examinees, pasado sa Nov. 2024 Licensure Exam for Agriculturists
Apektado umano ng naturang improvement activities ang entry at exit points sa bahagi ng EDSA Shangri-La at Starmall.
Ayon kay Engr. Michael Capati, Director for Operations ng MRT-3, layunin ng naturang improvement activities na mapaghusay pa ang pasilidad nila para makapagbigay ng mas mahusay na serbisyo at comfort sa mga commuters.
Pinayuhan rin ng MRT-3 management ang mga commuters na gamitin muna ang entry at exit points ng Building B na matatagpuan sa bahagi ng Greenfield Pavilion at Parklea Center, na magiging accessible simula alas-4:00 ng madaling araw.
“Shaw Boulevard Station-Building A (EDSA Shangri-La and Starmall entry/exit points” will be temporarily closed to public from March 21 (Monday) to March 22 (Tuesday).Passengers are directed to use Building B (Greenfield and Parklea entry/exit points) to enter/exit the station premises,” bahagi pa ng MRT-3 advisory.
Ang MRT-3 ay bumabaybay sa kahabaan ng EDSA mula Taft Avenue, Pasay City hanggang sa North Avenue, Quezon City.
