Ganito nagtapos ang aspiring vice president Senator Francis “Kiko” Pangilinan sa kanyang pagdalo sa Commission on Elections’ (Comelec) vice presidential debates nitong Linggo, Marso 20.
Pinagtibay ni Pangilinan na ang kanyang karanasan bilang mambabatas, food security secretary, at bilang isang magsasaka ay magiging epektibong Bise Presidente kung mahalal siya sa Mayo.
“Sa araw ng halalan, sa Mayo, matapos ang mahabang kampanya, sa tulong ng ating mga kababayan at sa awa ng Diyos, sa vice-presidential race, nawa’y the last man standing is a farmer,” ani Pangilinan sa kanyang pangwakas na pahayag sa unang round ng vice presidential debates na inorganisa ng Commission on Elections (Comelec) noong Linggo ng gabi, Marso 20.
Sinabi ni Pangilinan na itutuon niya ang kanyang mga karanasan bilang Senador, ang kanyang 10 taong karanasan bilang magsasaka, at sa kanyang termino bilang food security secretary para maging epektibong Bise Presidente.
Romina, patuloy na kumikilos patungong Southern Kalayaan Islands
Sinabi ng mambabatas na mangunguna siya sa pamamagitan ng halimbawang ipinakita ng running mate, si Vice President Leni Robredo, kung siya ang hahalili sa kanya, dahil binigyang-diin niya ang kanyang hindi pagkakasangkot sa anumang mga gawaing katiwalian o anomalya sa kanyang panunungkulan bilang isang pampublikong opisyal.
“Tayo naman, ni minsan sa ating panunungkulan, never tayong nasangkot sa isang kaso o anomalya,” aniya.
“In our case, three terms as Senator, we’ve never been involved in any case of corruption,” aniya rin nang humingi ng reaksyon ang kapwa kandidato, si Manny Lopez, sa pagkakasangkot ng mga mambabatas sa karumal-dumal na pork barrel scam.
Sa mga debate, inulit din niya ang kanyang adbokasiya tulad ng ganap na pagpapatupad ng Sagip Saka Act, na naghihikayat sa gobyerno na direktang bumili ng mga produktong agrikultura mula sa mga magsasaka at mangingisda upang mapalago ang kanilang kita.
Iminungkahi din niya ang modernisasyon ng hudikatura ng bansa "upang maging makabuluhan ang ating kampanya sa korapsyon."
“Paano matatakot ang mga kurakot kung mabagal ang paglilitis, karamihan abswelto.” sabi ng senador.
Sinabi ni Pangilinan na dapat palakasin ang hudikatura, may sapat na pondo, at bilang ng mga korte at hukom, upang gawin itong isang malakas na ahensyang anti-korapsyon.
Betheena Unite
