ILOILO CITY -- Naghain ng tatlong kaso si Mayor Ronnie Dadivas ng Roxas City laban kay Capiz Provincial Administrator Edwin Monares.
"Mga malisyoso kag puno sang kabutigan nga public post sa Facebook nga nagatuyo samadon kag higkuan ang akon integridad kag maayo nga pangalan sang gobyerno sang syudad sang Roxas (The Facebook post was full of malice and lies that aims to destroy my integrity and the good name of the Roxas City government)" pahayag ni Dadivas.
Nagtungo sa Iloilo City si Dadivas noong Huwebes, Marso 10, upang maghain ng dalawang kaso laban kay Monares sa Office of Ombudsman-Visayas.
Si Monares ay nahaharap sa kasong cyber libel sa ilalim ng Cybercrime Prevention Act of 2012 at isang administrative case para sa grave misconduct.
Tinatayang 132,000 pamilya, lumikas sa Eastern Visayas dahil sa super typhoon Pepito
Bumalik sa Roxas City si Dadivas at naghain ng civil case for damages sa Regional Trial Court (RTC).
Noong nakaraang Pebrero 19, nag-post si Monares sa Facebook ng larawanindependent audit report ngCommission on Audit (COA) na naka-address kay Dadivas.
Ang naturang larawan ay sinamahan ni Monares na dapat ding sundin ni Dadivas at iba pang opisyal ng Liberal Party (LP) ang mga alegasyon sa pananalapi ng pamahalaang Lungsod ng Roxas.
Inakusahan ni Monares ang LP politicians ng Capiz na "nagsisinungaling at nililinlang ang mga tao."
Ang naturang post ni Monares ay nakitang tugon nang kuwestiyunan ng LP politicians ang pamahalaang panlalawigan ng Capiz para sa hiwalay na ulat ng COA sa pagbili ng mga gamot.
Mayroong patuloy na hidwaan sa pagitan ng maraming opisyal ng Capiz na kabilang sa LP at Gobernador Esteban Evan Contreras II, na nagtalaga kay Monares.
Tumakbo bilang independent si Contreras noong 2019 at pinatalsik ang LP.
