Inanunsyo ni Southern Police District (SPD) Director, Brigadier General Jimili Macaraeg ang pagkakasamsam ng 200 gramo ng methamphetamine hydrochloride o shabu na nagkakahalaga ng ₱1,360,000 at ikinaaresto ng apat na drug suspect sa ikinasang anti-drug operation sa Muntinlupa City Police nitong Marso 9.
Ang mga suspek ay kinilalang sina Glenn De Guzman, alyas Glenn, 38; Mayline Rodolfo, 41; Anthony Pasion, 39; at Christopher Bayangos, 20, pawang taga-Muntinlupa City.
Naiulat ng pulisya na dinampot ang mga suspek sa isinagawang operasyon sa Garcip Compound, Brgy. Cupang dakong 9:40 ng gabi.
Nakumpiska sa apat na suspek ang nasabing illegal drugs at marked money.
Mayor Lacuna: Payout sa 203K seniors, malapit nang matapos
Sasampahan ng kasong paglabag sa Comprehensive Dangerous Drugs Act of 2002 ang apat na suspek na nakakulong na Muntinlupa City Police Station.
