Ilang retiradong matataas na opisyal ng Armed Forces of the Philippines (AFP) at Philippine National Police (PNP) ang nagpahayag ng suporta sa presidential bid ni Vice President Leni Robredo dahil “moral strength” at “integrity” nito.
Si retired Brig. Gen. Domingo Tutaan at dating tagapagsalita ng PNP na si Chief Supt. Generoso Cerbo Jr. ay kumbinsido sa "programa ng aksyon" ni Robredo upang tugunan ang mga usapin sa depensa at seguridad ng bansa.
“Yung sinasabi namin, ng kampo ng vice president, sa gobyernong matapat, angat buhay ang lahat, mararamdaman natin na totoo. Hindi ito slogan lang para kumuha ng boto, ani Cerbo sa naganap na media briefing sa Leni-Kiko volunteer center sa Quezon City nitong Marso 7.
“Makikita mo sa kanya yung moral strength and integrity na kailangan natin sa mamumuno sa ating bayan sa susunod na anim na taon,” dagdag niya.
#WalangPasok: Class suspensions ngayong Biyernes, Sept. 20
Bagama't hindi siya nagbanggit ng mga pangalan, sinabi ni Tutaan na ang mga retiradong PNP chief at AFP chiefs-of-staff ay bahagi rin ng kanilang grupo kapwa sa Maynila at sa mga probinsya.
Nagsagawa pa sila ng Zoom meeting kasama ang iba pang mga heneral bago ang press conference.
Ang mga dumalo sa pulong ay sina dating Armed Forces chiefs of staff Gen. Eduardo Oban at Gen. Hernando Iriberri, at dating Navy Flag Officer in Command Vice Admiral Alexander Pama, bukod sa iba pa.
Sinabi ni Cerbo na nagsasalita siya sa ngalan ng kanyang "mga kaibigan, kaklase, at mistah" sa pag-endorso sa kandidatura ni Robredo para sa pagkapangulo. Sinabi rin ni Tutaan na may endorsement ang presensya niya doon.
“Kami po ay para kay VP,” aniya habang idinagdag niya na bilang mga retiradong miyembro ng militar at pulisya, sila rin ay mga stakeholder sa pagtiyak sa kinabukasan ng bansa.
Pinuri ni Tutaan si Robredo sa paghingi ng mga input mula sa kanilang mga grupo sa pagbuo ng isang programa ng gobyerno para sa mga isyu sa depensa at seguridad ng bansa.
“Si Vice President, ano yan eh (Vice President is) very inclusive, she really wants to get the ideas or inputs of all sectors concerned in order to come up with the best policies guidelines that she might have,” aniya at binasa ang kanyang programa sa panseguridad.
Binigyang-diin ng dating tagapagsalita ng AFP, si Tutaan na tulad nila, naniniwala si Robredo na “security is a process”.
“This is not a first time. We had this a few months back with the AFP group, AFP retirees, PNP retirees. We’re happy na pinapakinggan nya kami. She listens to the inputs and discussions we have as far as these matters are concerned,” dagdag niya.
Bagama't ang AFP at PNP ay likas na apolitical, ibinahagi ni Tutaan ang kanilang mga pagsisikap “to continue to insulate the AFP the active service and the PNP active service from partisan politics” upang protektahan ang mga karapatang bumoto ngayong halalan sa Mayo.
Raymund Antonio
