Home

‘Cebuana, guapa!’ Kandidata ng Cebu City, kinoronahang Miss Int’l Queens PH

February 20, 2024

Larawan mula Miss International Queen (kaliwa) at Pageanthology via facebook (kanan)

‘Cebuana, guapa!’ Kandidata ng Cebu City, kinoronahang Miss Int’l Queens PH

By Raymond Lumagsao

February 20, 2024

In BALITA

Si Fuschia Ann Ravena ang kinoronahang kauna-unahang Miss International Queen Philippines 2022 nitong gabi ng Linggo, Marso 6.

Ang kandidata ng Cebu City ang unang nagsuot ng korona ng nasabing titulo. Itinanghal namang first runner up ang delagada ng Maynila na si Anne Patricia Lorenzo habang second runner-up ang nasungkit ni Shane Lee Ahn ng Inayawan, Cebu.

Sa final question, natanong si Ravena sa kanyang magiging mensahe sa bansang Thailand kung siya ang magiging kinatawan ng Pilipinas sa Miss International Queen 2022.

Sagot ni Ravena, ang pagiging matatag sa gitna ng kasalukuyang pagsubok ang nais niyang maging punto ng kanyang mensahe. Magiging magandang oportunidad umano sa kanya ang magbahagi ng kanyang sariling karanasan gayundin ang kanyang matinding paniniwala sa Diyos.

Samantala, present sa coronation night ang kilalang pangalan sa pageant community kabilang na ang former queens na sina Kevin Balot at Trixie Maristela.

Kasama namang naging hurado si Binibining Pilipinas International 2021 Hannah Arnold, Miss Grand International 2020 first runner-up Samantha Bernardo, ang kilalang designer na si Cary Santiago, celebrity manager Wilbert Tolentino at shoe brand owner Jojo Bragais.

Ang Cebu ay kilalang tahanan ng mga dating former titleholders kabilang na sina Miss Universe 2021 Top 5 finisher Beatrice Luigi Gomez at Miss Universe 2019 Top 20 semifinalist Gazini Ganados.

Mapapanuod sa KTX ang telecast ng pageant ngayong ika-11 ng gabi.

Ginanap ang coronation night sa SM Mall of Asia sa Pasay.

Kinopya sa Owly? VP Sara, pumalag sa mga sitang plagiarized aklat niya

Naglabas ng opisyal na pahayag si Vice President Sara Duterte kaugnay sa ibinabatong mga isyung kinopya lamang sa isang banyagang children's book ang kaniyang kuwentong pambatang 'Isang Kaibigan' na pinagmulan ng kontrobersiya matapos nilang magkasagutan ni Sen. Risa Hontiveros, sa isinagawang senate budget hearing para sa Office of the Vice President (OVP).Mababasa sa opisyal na...

City vet ng San Juan, sinuspinde na, pinakakasuhan pa ni Zamora

Sinuspinde na, pinakakasuhan pa ni San Juan City Mayor Francis Zamora ang kanilang city veterinarian kasunod ng ulat ng pagkalunod at pagkamatay ng mga hayop sa animal pound ng lungsod, noong kasagsagan ng pananalasa ng bagyong Carina at Habagat noong Hulyo.Sa isang pahayag nitong Miyerkules, sinabi ni Zamora na isinailalim na niya sa suspensiyon ang city veterinarian upang matiyak na hindi nito...

Dalawang kasama ni Alice Guo, hawak na ng Indonesian immigration office

Nasa kustodiya na ng immigration office ng bansang Indonesia ang dalawang kasama ni dismissed Bamban, Tarlac Mayor Alice Guo, ayon kay Department of the Interior and Local Government (DILG) Secretary Benhur Abalos.Ayon kay Abalos nitong Huwebes, Agosto 22, natanggap umano nila ang naturang ulat mula sa Philippine National Police (PNP) nitong Miyerkules ng gabi, Agosto 21.Base naman sa ulat ng GMA...