Inaasahang makukumpleto na ngayong katapusan ng Marso, 2022 ang pagtatayo ng unified grand central station o Common Station na nagdurugtong sa apat na railway lines sa Metro Manila.
Sinabi ng Department of Transportation (DOTr) na mismong si Secretary Arthur Tugade ang nag-anunsyo nito matapos magsagawa ng site inspection sa North Avenue Common Station sa North Triangle, Brgy. Bagong Pag-asa, Quezon City kamakailan.
Paliwanag ng DOTr, matapos ang mahigit 15-taon simula nang aprubahan ng National Economic and Development Authority-Investment Coordination Committee ang proyekto ay ngayon lamang natuloy ang naturang Common Station project.
Target na masimulan ang operasyon sa Hulyo 2022, ipinag-utos ni Tugade ang pagsisimula ng operasyon sa mas maagang petsa nang hindinaisasakripisyoang kalidad ng trabaho.
COC Filing Day 5: Mga naghain ng kandidatura ngayong Oktubre 5
“I will henceforth, until my term ends, inspect and make sure that the electromechanical system will also be in place so that this Common Station – a long-time dream of the Filipino people – will come into reality. I hope it can be done during the term of President Mayor Rodrigo Roa Duterte,” pahayag pa ni Tugade.
Ang 13,700-square meter concourse area ang siyang magkokonekta sa apat na pangunahing railway lines sa Metro Manila, na kinabibilangan ng Light Rail Transit Line 1 (LRT-1), Metro Rail Transit Line 3 (MRT-3), MRT-7 at ang Metro Manila Subway Project.
Sa sandaling maging operational, kaya umano ng Common Station na mag-accommodate ng halos 500,000 pasahero araw-araw.
