Kahit Alert Level 1 na! Publiko, obligado pa ring mag-face mask

By Balita Online

February 27, 2022

In BALITA National

Obligado pa rin ang publiko na gumamit ng face mask kahit isinailalim na sa COVID-19 Alert Level 1 ang National Capital Region (NCR) at 38 pang lugar sa bansa.

Nilinaw ni Cabinet Secretary Karlo Nograles, nakapaloob ang mga ito sa alituntuning inilabas ngInter-agency Task Force for the Management of Emerging Infectious Diseases (IATF-MEID) nitong Linggo.

Ang nasabing alert level status ay epektibo simula Marso 1-15, ayon kay Nograles.

Bukod aniya sa face mask, obligado rin ang mga dadalo sa mga political events na magharap sa mga awtoridad ng vaccination card o o anumang katibayang fully-vaccinated na sila kontra coronavirus disease 2019.

Pinaalalahanan din ni Nograles ang publiko na dapat na isuot nang maayos ang face mask sa lahat ng oras, kahit nasa labas o loob ng mga pribado o pampublikong establisimyento o sa loob ng pampublikong transportasyon.

Paglilinaw ni Nograles, hindi na kailangang mag-face mask kapag kumakain at umiinom, sumasali sa koponan at individual sports sa mga lugar na napapanatili ang ventilation standards, at nag-eehersisyo o nag-eensayo sa outdoor sports activities kung saan ipinaiiralang physical distancing.

Hindi na rin inoobliga ang mga pampublikong sasakyan na gumamit ng acrylic o plastic dividers. Tinanggal na rin ang paggamit ngSafe, Swift and Smart Passage (S-PaSS) travel management system para sa interzonal travel sa mga lugar na saklaw ng Alert Level 1.

Argyll Geducos

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...