Sorpresang ipinagmalaki ni Megastar Sharon Cuneta ang kaniyang susunod na pagkakaabalahan---ang pagbida sa isang Hollywood movie na 'The Mango Bride' na film adaptation ng isang award-winning novel, na isinulat ni Marivi Soliven.
"SURPRISE! Hollywood, here come the PINOYS!!! ??????❤️❤️❤️??? Please pray for this project to succeed. My prayer is that it is able to open doors for ALL OF US in the industry - FINALLY!??????" masayang pagbabahagi ni Shawie sa kaniyang social media accounts.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Bukod sa pangangampanya para sa mister na tumatakbong vice president, abala rin si Shawie bilang bahagi ng teleseryeng 'FPJ's Ang Probinsyano' at hindi lamang siya rito isang guest kundi bahagi na rin talaga ng kuwento dahil siya ang ina ni Mara (Julia Montes) na panibagong love interest ni Ricardo Dalisay, na ginagampanan naman ni Coco Martin.
Ang magiging direktor nito ay isang Filipino-Canadian filmmaker na si Martin Edralin.
Bukod sa pagbida rito, isa rin si Sharon sa magiging producer nito sa ilalim ng global IP firm 108 Media at Los Angeles-based BOLD MP.
"I wanted to do ‘The Mango Bride’ because it’s the best way to connect to a global audience by putting some of the best Filipino talents and stories together to tell an emotional and uplifting story like this," saad ng Megastar sa panayam.
“I have long been a fan of Marivi Soliven’s writing, from Suddenly Stateside, her collection of light essays about living in the U.S., to ‘The Mango Bride.’ She captures the Filipino migrant and Filipino American experience skillfully.”
"We’re excited to bring together Filipino creative heavyweights from across the globe for our adaptation of ‘The Mango Bride,’ a critically-acclaimed and inspiring novel to Filipinos around the world and to international audiences. 108 Media is also excited to organically establish the first of many Filipino-American content stacks with our producing partners and brilliant creators," ayon pa kay Shawie.
Hindi pa idinedetalye ni Sharon kung kailan magsisimula ang kanilang taping.
