Naglunsad ng virtual exhibit nitong Linggo, Pebrero 20 si National Artist for visual arts Benedicto ‘BenCab’ Cabrera kasama ang higit 100 pang alagad ng sining upang ipahayag ang kanilang suporta sa presidential bid ni Vice President Leni Robredo.
Ang palabas, na pinamagatang “Mas Radikal ang Magmahal” sa www.radikal.ph, ay isang pagtatanghal ng mga gawa ng mahigit 100 artista na naniniwalang si Robredo ang tanging kandidato na karapat-dapat na mahalal sa Malacañang.
“Hers is a brand of leadership that stands in stark contrast to what we have now. It is one defined by example, competence and incorruptibility,” sabi ng organizer na si Gigo Alampay.
“It is the only one today that is genuinely worthy of our children, our country, and our future,” dagdag pa ni Alampay, na nagpahayag na ng kanyang suporta kay Robredo ilang buwan bago ito nagpasya na tumakbo bilang pangulo.
50.78% examinees, pasado sa Nov. 2024 Licensure Exam for Agriculturists
Nangako siya sa Bise Presidente na sisiguraduhin niyang “the artists were standing beside her.”
Ang palabas ay isang "malakas na sama-samang pahayag ng suporta mula sa malikhaing komunidad," giit ni Alampay.
Ang mga artista “come from all backgrounds, various provinces, and are at different stages in their careers—from beginning and amateur artists to mid career professionals to established ones to National Artist BenCab,” saad ng radikal.ph.
Ang depeksyon ni BenCab sa watawat ng Pilipinas, na pinamagatang "Fragile and Strong," na ginawa noong 2014, ay itinampok sa radikal.ph.
Itinampok din sa website ang maikling sanaysay ng manunulat na si Butch Dalisay kung ano ang ibig sabihin ng pagiging "radikal."
Si Dalisay mismo ay dating tagasuporta ng mga Marcos na ngayo’y ang anak na si dating Senador Ferdinand Marcos Jr., ang naging pinakamahigpit na karibal ni Robredo sa Palasyo.
Magdaragdag ang grupo ng mga piling likhang sining habang isinumite ang mga ito, kasama ang pagbabahagi ng Alampay na maraming artista ang gustong lumahok sa proyekto.
“Together, they offer a sincere and committed statement of support for Leni’s vision of a more just and humane society, and affirm a collective belief in her capacity to deliver on that promise,” aniya.
Hindi ito ang unang pagkakataon na nagpahayag ng suporta ang mga artista kay Robredo.
Nauna rito, opisyal na siyang inendorso ngNational Artists poet Virgilio “Rio Alma” Almario (panitikan), master of contemporary art Ben Cab (visual arts), musikero at konduktor na si Ryan Cayabyab (musika), Dr. Ramon Santos (musika), at ang nagtatag ng Ballet Philippines na si Alice Reyes (sayaw).
Raymund Antonio
