Bubuhayin ni Manila City Mayor Francisco “Isko Moreno” Domagoso ang industriya ng sapatos sa Marikina City, at ipag-uutos niya sa mga ahensya ng gobyerno na bumili ng mga lokal na sapatos para sa mga mag-aaral sa pampublikong paaralan at empleyado ng gobyerno sakaling siya ay mahalal bilang Pangulo.
Kasama ang kanyang running mate na si Dr. Willie Ong at ang kanilang senatorial bets na sina Samira Gutoc, Doctor Carl Balita, at Jopet Sison, ay bumisita si Domagoso sa Gibson Shoe Factory, at nagsagawa ng dayalogo sa mga tagagawa at manggagawa ng sapatos noong Miyerkules.
“Bibilin ng gobyerno ang mga sapatos. ‘Yung mga sapatos nila dapat bilin ng gobyerno katulad ng ginawa ni Congressman Del De Guzman na batas. ‘Yung mga sapatos sa military, sa pulis dito galing lahat. Sana ganun na rin sa mga eskwelahan, sa government offices,” ani Domagoso.
Ang tinutukoy niya ay ang Republic Act (RA) 9290, o An Act Promoting the Development of the Footwear, Leather Goods and Tannery Industries Development, na pangunahing isinulat ni Marikina Representative Del De Guzman, na dati ring alkalde ng lungsod ng Marikina.
50.78% examinees, pasado sa Nov. 2024 Licensure Exam for Agriculturists
Kinikilala ng batas na ang mga industriya ng tsinelas, leather goods, at tannery ay may potensyal na makabuo ng trabaho sa pamamagitan ng kanilang pinagsama-samang pag-unlad, at pataasin ang mga kita ng foreign exchange ng bansa sa pamamagitan ng mga export at import substitutes.
Si Domagoso at ang iba pang mga kandidato sa Aksyon Demokratiko ay personal na tinanggap ng mga opisyal ng Philippine Footwear Federation Inc. (PFFI) sa pamumuno ng presidente nitong si Antonio “Toni” Andres, De Guzman, at incumbent Marikina City Vice Mayor Doctor Marion Andres.
Kasama rin sina dating konsehal Xyza Diazen-Santos, Mark Del Rosario, Erning Flores, Jojo Banzon, at Marikina Shoe Industry Development Office (MASIDO) head Noel Box.
Ang pagbisita ay inorganisa ng Ikaw Muna (IM), isa sa pinakamalaking volunteer groups na sumusuporta sa presidential bid ng Manila mayor.
Ang 10-Point Bilis Kilos Economic Agenda ng Domagoso, partikular sa ilalim ng Labor and Employment, ay nakatuon sa pagsuporta at pagbuhay sa sektor ng micro, small and medium enterprises (MSMEs). Sa kanyang administrasyon, ito ang kanyang magiging “North Star” para mapabilis ang paglago ng tao at ekonomiya.
Terence Ranis
