Binigyang-diin ni Senador Sherwin Gatchalian ang kahalagahan ng pagbabakuna sa lahat ng lehitimong mag-aaral upang higit na matiyak ang ligtas na pagpapatuloy ng face to face classes sa buong bansa.
Sinabi ni Gatchalian, chairman ng Senate Committee on Basic Education, Arts and Culture, na batay sa makukuhang datos at payo ng mga eksperto, ang mga batang may edad 5 hanggang 11 ay makikinabang sa mga bakuna laban sa coronavirus disease (COVID-19) na napatunayang makaiwas sa matinding sakit, ospital, at kamatayan.
“Ang pagpapabakuna ang susi natin para makabalik na tayo nang ligtas sa face-to-face classes. Marami ibang bansa ang nauna nang magbakuna ng mga 5 to 11 years old at nakita natin na ang bakuna ay ligtas at epektibo laban sa COVID-19, aniya.
“Kaya naman hinihikayat ko ang mga magulang na pabakunahan na ang kanilang mga anak upang sila ay maging ligtas, lalo na sa kanilang pagbabalik sa paaralan,” dagdag niya.
VP Sara sinabing si Romualdez ang gustong pumatay sa kaniya
Binigyang-diin din niya ang nakapanlulumong epekto ng matagal na pagsasara ng paaralan, kabilang ang pagkatuto at pagkawala ng produktibo, na hahantong sa pagkakapilay ng ekonomiya.
Sa ngayon, ang tatak ng COVID-19 vaccine na Pfizer-BioNTech lang ang nakatanggap ng pag-apruba ng Food and Drug Administration (FDA) para sa inoculation ng mga menor de edad na 5 hanggang 11. Gayunpaman, ang mga dosis para sa pangkat ng edad na ito ay binago.
Sa pinagsamang pahayag, sinabi ng Philippine Pediatric Society (PPS) at Pediatric Infectious Disease Society of the Philippines na ang malawakang pagbabakuna ay makatutulong na mabawasan ang pasanin ng COVID-19 sa mga bata.
Ang isang pag-aaral ng New England Journal of Medicine na inilathala noong Enero 2022 ay nagpakita na sa mga batang may edad na 5 hanggang 11, ang pagiging epektibo ng bakunang Pfizer-BioNTech ay 90.7 porsiyento. Idinagdag nito na ang karamihan sa mga masamang epekto ng bakuna na naitala isang buwan pagkatapos ng pangalawang dosis ay banayad hanggang katamtaman.
Itinuro ng mga pediatric group na ito na ang COVID-19 sa mga bata ay may malubhang kahihinatnan gaya ng Multisystem Inflammatory Syndrome in Children (MIS-C), na pinakamadalas sa mga batang 5 hanggang 11 taong gulang. Ang MIS-C ay isang kondisyon na maaaring humantong sa pamamaga ng mga bahagi ng katawan gaya ng puso, baga, bato, utak, balat, mata, o gastrointestinal organs.
Itinuro ng mga pediatric group na batay sa karanasan ng United States, dalawang dosis ng bakuna sa COVID-19 ang nagpabawas ng posibilidad na magkaroon ng MIS-C ng 91 porsiyento at na 95 porsiyento ng mga batang naospital para sa MIS-C ay hindi nabakunahan.
Ang pediatric vaccination ng 5 hanggang 11 age group ay nagsimula kamakailan sa mga piling lugar sa National Capital Region (NCR). Target ng gobyerno na mag-inoculate ng 15.5 milyon sa pangkat ng edad na ito.
Mario Casayuran
