Mahigit 300 paaralan ang nasuri at tinukoy na kwalipikadong magsimula ng face-to-face sa ilalim ngexpansion phase nito, sinabi ng Department of Education (DepEd).
Sa pagbanggit sa pinakahuling datos nito, sinabi ng DepEd na mayroong 304 na paaralan na matatagpuan sa mga lugar sa ilalim ng Alert Level 1 o 2 na mga lugar na kwalipikadong magsimula ng face-to-face classes.
Batay sa COVID Alert Levels para sa Peb. 1 hanggang 15, 2022 na inilabas sa ilalim ng Inter-Agency Task (IATF) Resolution No. 159-A noong Enero 29, mayroong 304 na pampublikong paaralan na matatagpuan sa mga lugar na nasa Alert Level 2. Kabilang dito ang mga paaralan sa National Capital Region (NCR), Batanes, Bulacan, Cavite, Rizal, Biliran, at Southern Leyte.
Batay sa ulat mula sa mga Regional Director nito, sinabi ng DepEd na magpapatuloy ang face-to-face classes sa Metro Manila mula Pebrero 9 onwards.
Sen. Bong Go, pinakiusapan si Sen. Imee na pagkasunduin muli sina PBBM, VP Sara
Sa Cagayan Valley, ang pinalawak na face-to-face classes ay nakatakdang magsimula mula Pebrero 7 hanggang 11 habang ang mga paaralan sa Central Luzon ay nakatakdang magsimula ng face-to-face classes sa Peb. 21.
Samantala, ang mga natukoy na paaralan sa Region IV-A at Region VIII ay magsisimulang magsagawa ng face-to-face classes anumang araw sa pagitan ng Pebrero 7 hanggang 14.
Sinabi ng DepEd na ang iba pang rehiyon at dibisyon sa labas ng nasa ilalim na ng Alert Level 2 ay nagpapatuloy din sa kanilang paghahanda para sa pinalawak na yugto ng face-to-face classes kapag makitaan ng mga improvement sa COVID Alert Levels sa kani-kanilang mga lugar.
Lumabas din sa datos ng DepEd na 6,347 na mga paaralan ang “na-assess at itinuring na handa” para sa expansion phase ng limitadong face-to-face classes.
Gayunpaman, tanging ang 304 na paaralan sa ilalim ng Alert Levels 1 at 2 ang papayagang magpatupad ng pinalawak na face-to-face na mga klase. Ang natitirang 6, 043 na paaralan na matatagpuan sa mga lugar sa ilalim ng Alert Level 3 ay hindi pa papayagang magpatupad ng pinalawak na face-to-face classes.
Merlina Hernando Malipot
