Magpapatupad ang Manila Electric Company (Meralco) ng tapyas sa singil sa kuryente ngayong buwan ng Pebrero.

Ayon sa Meralco, bababa ng₱0.1185 kada kilowatt hour (kWh) ang singil nila sa kanilang February bill.

Dahil dito, ang overall rate para sa buwan ng Pebrero ay aabot na lamang sa₱9.5842/kWh mula sa dating ₱9.7027/kWh noong Enero.

Katumbas ito ng₱24 na bawas sa bayarin ng mga tahanang kumukonsumo ng 200 kWh kada buwan; halos₱36 naman sa mga nakakagamit ng 300 kWh na kuryente;₱46 sa mga kumukonsumo ng 400 kWh; at₱59 sa konsumong 500 kWh kada buwan.

Ipinaliwanag naman ng Meralco na ang bawas-singil ay dahil sa pagbaba ng generation charge na dulot nang pagmura ng kuryente sa spot market at mga power supplier.

GM Torre, binanatan si Comm. Calinisan: 'Anong klase kang adjudicator?'

GM Torre, binanatan si Comm. Calinisan: 'Anong klase kang adjudicator?'

Anang Meralco, bumaba ang generation charges para sa nasabing buwan ng₱0.2305/kWh o naging ₱5.1957 mula sa dating ₱5.4262, dulot ng lower chargesmula sa Wholesale Electricity Spot Market (WESM) at Independent Power Producers (IPPs).

Ito na ang ikalawang sunod na buwang nagkaroon ng bawas-singil sa kuryente ngayong taon.

Mary Ann Santiago