Napasakamay ng mga awtoridad ang dalawang pinaghihinalaang big-time drug dealers sa Metro Manila at sa karatig lalawigan nang madakip sa buy-bust operation sa Makati City nitong Enero 26 na ikinasamsam ng₱40.8 milyong halaga ng illegal drugs.
Ang mga naarestong suspek ay kinilalang sina Bryan Salceda, 26, may asawa, construction worker, at taga-Conception, Pasay City; at Jerome Gaje, 27, binata at taga-Estrella, Pasay City.
Sa police report, ikinasa ng mga tauhan ng Philippine National Police-Drug Enforcement Group, Philippine Drug Enforcement Agency, Bureau of Customs at Makati City Police ang anti-drug operation sa 3628 B, Hilario St., Brgy. Palanan, dakong 7:30 ng gabi na nagresulta ng pagkakaaresto ng dalawa.
Nakumpiska kina Salceda at Gaje ang mahigit anim na kilo ng umano'y shabu at boodle money.
Marikina LGU: Ulat na dinukot ang 4 na menor de edad sa lungsod, fake news!
Natuklasan ng pulisya na bukod sa Metro Manila, nag-o-operate din umano ang mga ito sa karatig probinsya.
Nagpapanggap din umano ang mga ito bilang online delivery couriers upang maisagawa ang kanilang drug transaction.
Nasa kustodiya na ng PNP-DEG ang dalawang suspek at nahaharap sila sa kasong paglabag sa Comprehensive Dangerous Drugs Act of 2002.
Bella Gamotea
