Ipinagtanggol ng showbiz columnist na si Lolit Solis ang mga artistang piniling maglingkod sa bayan sa pamamagitan ng pagpalaot sa mundo ng politika.

Inilakip niya ang litrato ni Ormoc City Mayor at aktor na si Richard Gomez. Bukod kay Richard, ibinida rin niya ang mga artista-politiko na sina Bong Revilla, Jinggoy Estrada, Dan Fernandez, Isko Moreno, Jomari at Anjo Yllana, at Joseph 'Erap' Estrada.

"Isang magandang example ng isang artista na naging mabuting pulitiko iyon mga pumasok sa pulitika at nakikita mong nag trabaho nang mahusay. Kahit ano pa sabihin, maganda din naman ang naging record ni Joseph Estrada noon, kaya umabot siya hanggang sa pagiging Presidente," aniya.

Tsika at Intriga
'Back to you mamang!' Chloe, rumesbak kay Ai Ai matapos hiwalayan ni Gerald?

'Back to you mamang!' Chloe, rumesbak kay Ai Ai matapos hiwalayan ni Gerald?

Richard Gomez (Screengrab mula sa IG/Lolit Solis)

"Sina Jinggoy Estrada, Bong Revilla, Dan Fernandez, at Vilma Santos, nagtagal sa puwesto dahil nagpakita ng husay nila. Sila Isko Moreno, Richard Gomez, Jomari at Anjo Yllana, hanggang ngayon nandiyan pa rin at nagsisilbing mga public servants. Kahit pa nga ano sabihin, nagawa nila ang mga dapat gawin para sa tungkulin nila."

Kaya huwag daw ismolin ang mga artistang sumasabak sa politika.

"Huwag natin isipin na pag artista walang magagawa. Basta hinarap nila ang trabaho, dedicated sila. They do their job. Artista man, kaya din nila. So huwag natin isipin basta artista waley, kung minsan mas mahusay pa sila, promise!"

Sino-sino nga ba ang mga artista o celebrity na tatakbo sa iba't ibang posisyon sa local and national elections 2022?

Para naman sa nasyonal, tumatakbong senador sina Jinggo Estrada (re-elect), Raffy Tulfo, Manuel Monsour del Rosario III, Herbert Bautista, at Robin Padilla. Umatras naman dito ang ABS-CBN newscaster na si Noli De Castro.

Si Tito Sotto III naman na senate president ay tumatakbong pangalawang pangulo habang si Manila City Mayor Isko Moreno ay tumatakbong pangulo ng bansa.

Para sa lokal naman:

  1. Jason Abalos- provincial board member of the 2nd District of Nueva Ecija
  2. Ejay Falcon- vice governor, Oriental Mindoro
  3. Richard Yap- representative, 1st District of Cebu City
  4. Javi Benitez- mayor, Victorias City, Negros Occidental
  5. Jhong Hilario- councilor, Makati City
  6. Lou Veloso- councilor, Makati City
  7. Anjo Yllana- congressman ng 4th District of Camarines Sur (ngunit hindi na natuloy dahil sa campaign fund issue)
  8. Angelu de Leon- councilor, Pasig City
  9. Aiko Melendez- councilor, Quezon City
  10. Ali Forbes- councilor, Quezon City
  11. Bobby Andrews- councilor, Quezon City
  12. Lucy Torres-Gomez- mayor, Ormoc City (kasalukuyang representative ng 4th district of Leyte)
  13. Richard Gomez- representative ng 4th district of Leyte (kasalukuyang mayor ng Ormoc City)
  14. Nash Aguas- councilor, Quezon City
  15. Dennis Padilla- councilor, Caloocan City
  16. Arjo Atayde- congressman, Quezon City
  17. Karla Estrada- Tingog Sinirangan party-list group
  18. Claudine Barretto- councilor, Olongapo City
  19. Nora Aunor- tumatakbo sa ilalim ng National Organization for Responsive Advocacies for the Arts (NORA A) party-list group
  20. Angelica Jones- congresswoman ng 3rd district of Laguna
  21. Alex Castro- vice governor, Bulacan
  22. Imelda Papin- vice governor, Camarines Sur
  23. Sharifa Akeel- governor, Sultan Kudarat
  24. Jomari Yllana- councilor, Parañaque City
  25. Vandolph Quizon- councilor, Parañaque City
  26. Shamcey Supsup- sa ilalim ng ARTE party-list group
  27. Tom Rodriguez- sa ilalim ng Anak Maharlikang Pilipino party-list group
  28. Leren Mae Bautista- councilor, Los Baños, Laguna