Mga aktibidad sa Chinese New Year celebration sa Pebrero 1, kinansela na rin ni Mayor Isko-Balita

Mga aktibidad sa Chinese New Year celebration sa Pebrero 1, kinansela na rin ni Mayor Isko

Kinansela na rin ni Manila Mayor Isko Moreno ang lahat ng aktibidad sa lungsod na may kinalaman sa pagdiriwang ng Chinese New Year sa Pebrero 1, kasunod na rin ito nang patuloy na banta ng COVID-19 pandemic.

Ayon kay Moreno, hindi muna pinapayagan ang pagdaraos ng tradisyunal na mga parada, dragon at lion dances, pagpapailaw ng mga firecrackers sa mga lansangan at iba pang aktibidad na may kinalaman sa naturang pagdiriwang.

Mahigpit rin aniyang ipatutupad ang liquor ban, partikular na sa Chinatown area o sa Binondo.

Alinsunod sa Executive Order na nilagdaan ni Moreno, at in-attest ni secretary to the mayor Bernie Ang, na may Chinese-Filipino descent at prominent figure sa Chinoy community, nabatid na maging ang China ay nagkansela na rin ng kanilang Lunar New Year celebration para sa milyun-milyong migrants na diniscourage nilang umuwi para sa Chinese holidays.

Ipinaliwanag ng alkalde na kung hindi niya kakanselahin ang naturang pagdiriwang ay maaaring maging dahilan ito nang higit pang pagkalat ng COVID-19 sa lungsod.

“The activities during the New Year celebration, if not cancelled, can be surely an easy medium of COVID-19 spread and transmission thereby endangering the health, well-being and safety not only of residents but also their visitors who will join them in the celebration,” anang alkalde, na siyang presidential candidate ng partido Aksyon Demokratiko.

“Locally, there is therefore a compelling need for the City to cancel any and all activities to celebrate the Chinese New Year not only to avoid the fear envisioned above but also in order not to put in vain all initiatives the City had already undertaken the entire duration of this pandemic. This cancellation is all the more compelling due to reports of the Omicron variant causing the recent surge in the country,” dagdag pa niya.

Inatasan rin ni Moreno si Manila Barangay Bureau (MBB) chief Romeo Bagay na gawin ang lahat ng nararapat na aksyon upang maipabatid sa mga barangay ang naturang kautusan.

Matatandaang una na ring kinansela ni Moreno ang mga aktibidad para sa pagdiriwang ng pista ng Poong Itim na Nazareno at ng Sto. Niño upang maiwasan ang posibleng hawahan ng virus.

Mary Ann Santiago

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...