Binanatan ni Senator Nancy Binay nitong Biyernes, Enero 14 ang Philippine Health Insurance Corp. (PhilHealth) para sa panloloko sa mga miyembro nito ukol sa pagkakaroon ng “home treatment” package para sa mga pasyenteng positibo sa coronavirus disease (COVID-19).
Sinabi ni Binay na ang mga pasyenteng ayaw manatili sa community isolation units (CIU) o health facilities at mas ginusto ang home quarantine ay sinubukang mag-avail ng Covid-19 Home Isolation Benefit Packages (CHIBP) ng PhilHealth para lang malaman na anim lang ang nakalistang accredited provider sa bansa, wala sa mga ito ang nasa National Capital Region (NCR).
“Parang paulit-ulit na lang itong lokohan. Kawawa na naman ang mga kababayan nating umasa na may ganitong tulong, na hindi naman pala talaga nila mapapakinabangan ‘Wag na sanang paasahin ang mga tao sa wala. May sakit na nga, pakiramdam mo pa eh parang na-scam. Halos one year na itong pino-promote, pero ampaw pala,“ ani Binay.
Ang PhilHealth ay nagpo-promote ng CHIBP mula pa noong Agosto 2021 para sa mga miyembrong nagpositibo ngunit piniling tumanggap ng health support sa kanilang mga tahanan.
Ofel, mas humina pa habang nasa vicinity ng Gonzaga, Cagayan
Ang CHIBP ay dapat na magagamit sa mga pasyenteng pumasa sa parehongclinical and social criteria sa surge areas na idineklara ng Inter-Agency Task Force (IATF).
“Everything should have already been in place prior to its launching last year, otherwise, parang malaking PR stunt lang ang Home Isolation Benefit Package para lang masabing may programang ginagawa ang PhilHealth para sa members. Halos isang taon na pero walang nakakaalam kung ano ang proseso para ma-avail ang package,” sabi ni Binay.
Sinabi ng senadora na natuklasan niya ang mga kakulangan sa implementasyon ng CHIBP ngayong linggo nang alamin sa website ng PhilHealth kung paano makaka-avail ng package ang mga miyembro.
“May mga kaibigan kami at kakilala na tinamaan ng Covid na nahihirapang lumabas para magpa-ospital, kaya gusto nilang mag-avail ng home treatment package. Nakaka-dismaya dahil di naman pala ito available, “Ang tanong: Why advertise and promote something which is not available in the first place? It’s grossly misleading, unreliable and openly irresponsible. It’s an institutional fail,” sabi ni Binay.
Kasama sa mga serbisyo sa ilalim ng home isolation package ang mga konsultasyon sa bahay nang hindi bababa sa 10 araw, 24/7 araw-araw na pagsubaybay sa mga pasyente sa pamamagitan ng teleconsultation, at pagbibigay ng home isolation kit na naglalaman ng: 1L 70 percent alcohol, limang pirasong face mask, 1 thermometer, 1 pulse oximeter, mga gamot at gamot (18 pirasong Paracetamol, 12 pirasong Lagundi tablet o katumbas, anim na sachet ng oral rehydration salts, 10 pirasong Ascorbic Acid, 10 pirasong Vitamin D at zinc), at isang form ng pahintulot. Itinutulak din ng Malacañang ang PhilHealth na palawakin ang CHIBP para isama ang libreng RT-PCR testing.
“Ang daming proklamasyon, pero wala naman posibilidad na makinabang ang mga nangangailangan nito dahil wala ngang accredited provider na nasa high-risk area,” dagdag ng senadora.
Mario Casayuran
