Susundin ng Muntinlupa City Council ang pasya ng Metropolitan Manila Development Authority (MMDA) sa pagpapataw ng curfew para sa mga menor de edad sa National Capital Region (NCR).
“We will follow MMDA curfew directive,” sabi ni Raul Corro, ang majority floor leader ng konseho, sa Manila Bulletin.
Ito ay matapos na pagbabanggit ni Metro Manila Council (MMC) chairperson at Paranaque Mayor Edwin Olivarez na nagpatupad ng curfew ang local government units (LGUs) sa National Capital Region sa mga menor de edad na 17 taong-gulang pababa mula alas-10 ng gabi hanggang alas-4 ng umaga.
Ang ibang LGU sa Metro Manila tulad ng Pateros ay nagpataw din ng curfew sa mga menor de edad.
VP Sara sinabing si Romualdez ang gustong pumatay sa kaniya
Noong Nobyembre, hindi nagpasa ang Muntinlupa City Council ng ordinansang nagpapataw ng curfew sa mga menor de edad sa lungsod ngunit inaprubahan ang panukalang naghihigpit sa kanilang paggalaw sa ilalim ng Alert Level 3.
Ipinasa ng Konseho ng Lunsod ang Ordinansa Blg. 2021-283 na "nagre-regulate sa mga paggalaw ng mga menor de edad na wala pang 18 taong gulang sa labas ng kanilang mga tirahan" sa ilalim ng Alert Level 3.
Ang ordinansa ay “magkakabisa sa tagal ng Alert Level 3 o anumang pagpapalawig nito, na maaaring matukoy ng IATF [Inter-Agency Task Force] at/o iba pang mga awtoridad sa pagpapatupad at dapat sumaklaw sa lahat ng mga menor de edad sa loob ng territorial jurisdiction ng Muntinlupa City.”
Sa ilalim ng ordinansa, ang mga menor de edad ay dapat manatili sa bahay at lubos na hinihikayat na iwasan ang mga kulob, masikip at closed contact na mga establisyimento maliban kung pinapayagan sa ilang mga pangyayari.
Sa ilalim ng Alert Level 3, batay sa ordinansa, ang mga ganap na nabakunahang menor de edad sa Muntinlupa ay pinapayagang gawin ang mga sumusunod:
-- Intra-zonal at inter-zonal na paglalakbay (kung may kasamang magulang o nasa hustong gulang na tagapag-alaga sa lahat ng oras)
– Bumili ng mahahalagang gamit sa mga pinahihintulutang establisyimento (take-out na pagkain, gamot)
– Mahahalagang aktibidad sa mga pinapahintulutang opisina at/o establisyimento (trabaho, serbisyo ng gobyerno, serbisyong medikal)
Jonathan Hicap
