GENEVA – Bagaman karamihan sa mga nakarekober sa COVID-19 ay gumaling sa loob lang ng lima hanggang pitong araw mula sa pagsisimula kanilang mga sintomas, inirerekomenda pa rin ng World Health Organization (WHO) ang 14-day quarantine, ayon mismo sa isang opisyal ng organisasyon sa isang press briefing nitong Martes.
Gayunpaman, sabi ni Abdi Mahamud ng COVID-19 Incident Management Support Team ng WHO na ang mga bansa ay dapat gumawa ng mga pasya tungkol sa tagal ng quarantine batay sa kanilang magkakaibang sitwasyon.
Sa mga bansang may mababang impeksyon, ang mas mahabang panahon ng quarantine ay maaaring makatulong na panatilihing mababa ang bilang ng kaso hangga't maaari, paliwanag niya. Sa mga lugar na may mga “runaway cases,” gayunpaman, ang mas maiikling quarantine ay maaaring makatwiran upang mapanatiling tumatakbo ang mga bansa, idinagdag niya.
Samantala, sinabi ng opisyal ng WHO sa midya na posibleng mahawa ng parehong influenza at COVID-19. Gayunpaman, dahil ang dalawa ay magkahiwalay na mga virus na umaatake sa katawan sa iba't ibang paraan, mayroong lang itong “little risk” sakaling magsama bilang isang bagong virus.
Tinatayang 150 milyong bata sa buong mundo, nananatiling 'undocumented'
Ayon sa WHO, noong Disyembre 29, 2021, humigit-kumulang 128 bansa ang nag-ulat ng mga kaso ng variant ng Omicron. Sa South Africa, na unang nakakita ng isang matalim na pagtaas sa mga kaso na sinundan ng isang bahagyang mabilis na pagbaba, ang hospitalization at death rate ay nananatiling mababa.
Gayunpaman, ang sitwasyon ay hindi magiging pareho sa ibang mga bansa, sinabi ni Mahamud.
“While the latest studies all point to the fact that the Omicron variant affects the upper respiratory system rather than the lungs, which is good news, high-risk individuals and the unvaccinated could still get gravely ill from that variant,” dagdag niya.
Sinabi ni Mahamud na maaaring maungusan ng Omicron variant ang iba pang mga strain sa loob ng ilang linggo, lalo na sa mga lugar na may malaking bilang ng mga taong madaling kapitan lalo na ang mga hindi bakunado laban sa COVID-19.
Sa Denmark, aniya, inabot ng dalawang linggo para dumoble ang mga bilang ng kaso nang pumasok ang Alpha variant, samantalang sa variant ng Omicron, tumagal lang ito ng dalawang araw.
“The world has never seen such a transmissible virus,” sabi niya.
Nakatakdang magpulong ang Strategic Advisory Group of Experts (SAGE) on Immunization ng WHO sa Enero 19 upang suriin ang sitwasyon. Ang mga paksa sa agenda para sa talakayan ay kinabibilangan ng timing ng mga booster, ang paghahalo ng mga bakuna at ang komposisyon ng mga hinaharap na bakuna.
Xinhua
