Nagsagawa ng libreng Mobile Antigen Swab testing ang City Health Department (CHD) ng pamahalaang lungsod ng Caloocan sa mga piling barangay sa lungsod, makaraang itaas sa Alert level 3 ang National Capital Region (NCR) sanhi ng pagtaas ng kaso ng COVID-19.

Alas 8:00 kaninang ng umaga, dumaong ang mga tauhan ng CHD sa basketball ng North Deparo, Barangay 168, saan dinagsa ito ng mga residente na gustong magpa-swab test.

Ayon kay Mayor Oscar Malapitan, isinailalim din sa antigen test ang mga nakararanas ng sintomas ng COVID-19 at ang nagkaroon ng exposure sa mga taong nag-positibo sa virus.

Layon ng alkalde na mailapit sa mamamayan ang libreng testing upang mapigilan ang hawaan sa komunidad.

Makalipas ang dalawang oras, tumungo ang CHD sa Caloocan South, Barangay 8 Hall, Sabalo upang doon naman nagsagawa ng libreng testing.Samantala, isinailalim sa disinfection ang New City Hall sa 8^th Street, 8^th Avenue, Caloocan City, upang makaiwas sa banta ng virus ang mga empleyado at mga mamamayan na nagtutungo roon.

Marami ring mga residente ang tumugon at nagpa-swab test.

Kahit kasi nasa ilalim ng Alert level 3, tuluy-tuloy ang pagbibigay ng serbisyo ng City Hall at muling ipinatupad ang skeletal workforce arrangement, maliban sa mga tanggapan na tumutugon sa emergency at COVID-19 response.

Orly L. Barcala