Matapos itampok ng Balita ang kabigha-bighaning “floating barangay” ng Dawahon sa Bato, Leyte nitong Setyembre, tila gumuhong mundo ang naging imahe nito matapos manalasa ng Bagyong Odette kamakailan.
Sa isang Facebook post ng kapitan ng barangay na si Arnulfo Borong Taneo, nanawagan ito sa publiko ng tulong para sa kanilang lugar na nawasak ng bagyo.
Sa naturang post, makikita ang pinadapa nang lugar mula sa tupi-tuping kabahayan, hanggang sa mga sirang bangka at fish famrs na pangunahing pinagkakakitaan ng mga tao sa isla.
Tinatayang 132,000 pamilya, lumikas sa Eastern Visayas dahil sa super typhoon Pepito
Matatagpuan ang Dawahon sa pagitan ngseaborders ng Cebu, Bohol at Leyte, mga lugar na lubos na hinagupit ni Odette.
Sa ngayon, kailangan na kailangan ng lugar ang pagkain, at inuming tubig. Ayon sa kapitan, nananatiling walang linya ng kuryente at internet ang isla kaya’t pahirapan ang komunikasyon.
Gayunpaman, sa kabila ng malaking dagok sa pausbong nang komunidad, positibo pa rin ang pananaw ng ama ng barangay na babangon muli ang kanilang lugar.
