Bilang suporta sa presidential bid ni Vice President Leni Robredo, naglunsad ng "Thomasians for Leni" ang mga estudyante, faculty, alumni, at empleyado ng University of Santo Tomas (UST) at kaakibat nitong unibersidad.

“Tayo ay mga estudyante, guro, alumni, empleyado ng UST Espana, Legazpi, at Angelicum na nananawagan sa isang maayos na gobyerno at isang etikal na pamumuno sa isang liderato at naniniwala tayo si Leni Robredo ang karapat-dapat na ihalal na Pangulo ng Pilipinas sa darating na 2022 elections," ani Gabriel Kintanar, Thomasians for Leni convernor, sa paglulunsad ng Thomasians for Leni.
“Ang layunin natin ay makilala ng taumbayan si Leni Robredo kung paano natin sya nakikilala — isang babaeng may husay, tibay, at puso sa serbisyo," dagdag pa ni Kintanar.
Nilalayon ng grupo na mag-recruit ng mas maraming Thomasian Robredo supporters, ayusin ang komunidad sa pagkilos, makisali sa diskurso sa loob at labas ng kanilang Thomasian communities, at labanan ang pagkalat ng disinformation.
“I think the role of every person, every institution should be the same. Speak out your convictions. If you believe that VP Leni should be the next leader, then you should simply just go out and support her and not consider the potential consequences and do it just because it’s the right thing to do in all of history, I think every great evil that has been done on humanity could have been avoided if the one person just simply said no, it’s not the right thing to do,” sinabi ni UST Law Professor Jun Santamaria.
“I call on every professor who is supportive of VP Leni, every student who thinks that VP Leni should be the next President, to stand up, speak, and declare, come out in the open. Sabi nga diba tumindig ka, makikita mo may nakatindig sa tabi mo.I hope everybody does that,” dagdag pa niya
Mayroon nang mahigit 1,500 Thomasian volunteers ang Thomasians for Leni.
Nauna rito, inilunsad ng mga estudyante at alumni mula sa Far Eastern University ang "Tamaraws for Leni" upang ipahayag ang kanilang suporta sa presidential bid ni Robredo.
Gabriela Baron