Nanawagan si dating Commission on Elections (Comelec) chairman Christian Monsod sa nasabing ahensya ng gobyerno na resolbahin agad ang mga disqualification cases na isinampa laban kay presidential aspirant Ferdinand "Bongbong" Marcos, Jr.

“It is important that the Comelec act on this in a proper way and not to unduly delay the process,” pahayag ni Monsod sa isinagawang pagpupulong nitong Linggo, Disyembre 12.

Mahalaga aniya ang kwalipikasyon ng isang presidente dahil ito "ang pinakamahalaganghalal na opisyal ng pamahalaan sa bansa."

“When it comes to the presidency, it is a different conversation because the executive, the presidency has vast executive powers.When it comes to the presidency, people look at it differently. It is important that all the qualifications for president are met,” pagdidiinni Monsod.

Matatandaang pitong petisyon ang iniharap ng iba't ibang grupo upang hilinging ibasura ang kandidatura ni Marcos sa 2022 national elections.

Analou de Vera