Nagdarasal na si Pangulong Rodrigo Duterte upang hindi makarating sa bansa ang Omicron variant ng coronavirus disease 2019 (COVID-19) na unang nadiskubre sa South Africa.
Ito ang reaksyon ng Pangulo kasabay na rin ng naiulat na tumataas pa ang bilang ng mga bansa na nahahawaan ng variant.
Sa pre-recorded public address ni Pangulong Rodrigo Duterte nitong Lunes ng gabi, Disyembre 6, ikinatuwa aniya nito ang mahusay na paglaban ng bansa sa pandemya ng COVID-19.
“I am very happy na bumababa na talaga (ang COVID-19 cases).That’s a miracle because other countries are still reeling from the effect– parang nagkaroon sila ng problema sa Omicron." aniya.
VP Sara, hindi 'isang kaibigan' si PBBM; nagkakilala lang dahil sa eleksyon
Umaasa aniya ito na hindi na pumasok sa Pilipinas ang Omicron variant. “But if ever na magdating, I hope we can cope with [it] as much as we did with COVID-19,” paliwanag pa ng Pangulo.
Argyll Geducos
