Nasamsam ng mga operatiba ng pulisya ang humigit-kumulang P2 milyong shabu at inaresto ang 10 kata sa isang buy-bust sa Cainta, Rizal bandang alas-6 ng umaga nitong Sabado, Dis. 4.
Kinilala ng pulisya ang mga suspek na sina Mraco Angelo Zarate, 46, Twixx Leyson, 30, call center agent, Angeito Reyes, 39, driver; Dennis Reyes,36, driver; Christian Evangelista, driver; Victor Dax Jose, 49; Roderick Rendal, 54; Janeth Salasibar, 51; Marry Lou Cruz, 51; at Allan Garol, 51.
Ang operasyon ay isinagawa ng Special Operations Unit-4A na pinangangasiwaan ni Police Brig. Gen. Remus B. Medina, direktor ng Philippine National Police Drug Enforcemnent Group (PNP-DEG).
Nakiisa sa drug bust ang mga operatiba mula sa Regional Drug Enforcemnet Units ng National Capital Region Police Office Station, at Taytay City Police Station.
UP, top university pa rin sa Pinas; Iba pang paaralan sa bansa, pasok sa Asian ranking!
Nakumpiska sa mga suspek ang 300 gramo ng hinihinalang shabu, P1,000 bill na ginamit bilang buy-bust money, isang puting Honda City na kotse at limang cell phone, ayon sa PNP-DEG.
Itinurn-over ang mga suspek at ebidensya sa PNP-DEG Special Operation Unit 4A Office para sa dokumentasyon, disposisyon, at pagsasampa ng mga kasong paglabag sa Republic Act 91654 o Comprehensive Dangerous Drugs Act of 2002.
Manila Bulletin
