Muling binalaan ng Department of Trade and Industry (DTI) ang publiko na mag-ingat laban sa mga nagkalat na modus ng mga scammer na tila nauuso ngayong nalalapit ang Kapaskuhan.
Ito ay kasunod ng pagkalat ng SMS scam na nag-aalok ng part-time jobs sa publiko.
"Isang mahalagang paalala: H'wag hayaan na ma-scam. Maging alerto sa kumakalat na SMS scam na nag-ooffer ng part-time jobs," ayon sa abiso ng DTI.
Malaki ang naging epekto ng pandemyang COVID-19 sa mga mamamayan at karamihan ay pawang nawalan ng hanapbuhay o trabaho kaya may posibilidad na mabiktima sa ganitong modus ang mga tao na nagnanais ng alternatibong mapagkakakitaan.
Mga Pinoy na ilegal na naninirahan sa Amerika, binalaan ng PH Ambassador
Panawagan ng DTI,mangyaring ipagbigay alam sa online platform ng ahensya o sa DTI Consumer Care kung may pagdududa.
Pinaalalahanan pa ng DTI ang mga consumers na manatiling alerto at ligtas sa tuwing namimili sa mga pamilihan at shopping malls.
Bella Gamotea
