Aabot sa 200 gramo ng pinaniniwalaang shabu na nagkakahalaga ng ₱1,360,000 ang nakumpiska sa isang umano'y big-time drug pusher sa Makati City nitong Nobyembre 19.
Inanunsyo ni Southern Police District chief, Brig. General Jimili Macaraeg ang matagumpay na anti-illegal drug operation na nagresulta sa pagkakadakip ni Ronilo Andaya, alyas Ronnie, 53, at taga-Makati City.
Sa ulat ng Makati City Police, dakong 6:07 ng gabi ng Biyernes nang dakpin ng mga pulis si Andaya sa ikinasang buy-bust operation sa103-D 6th Ave., Barangay East Rembo.
Bukod sa iligal na droga, nakumpiska rin sa kanya ang marked money, drug paraphernalias at identification (ID) cards.
Mayor Lacuna: Payout sa 203K seniors, malapit nang matapos
Sasampahan ang suspek ng kasong paglabag sa ComprehensiveDangerous Drugs Act of 2002.
Bella Gamotea
