Go, pinabulaanan ang pahayag ni Sara ukol sa pagtanggi ng PDP-Laban sa Marcos-Duterte tandem-Balita

Go, pinabulaanan ang pahayag ni Sara ukol sa pagtanggi ng PDP-Laban sa Marcos-Duterte tandem

Itinanggi ni Presidential aspirant Senator Christopher “Bong” Go nitong Miyerkules, Nob. 17 ang pahayag ni Davao City Mayor Sara Duterte-Carpio na tinanggihan ng Partido ng Demokratikong Pilipino-Laban (PDP-Laban) ang kanyang kahilingan na suportahan siya at ang dating senador na si Ferdinand “Bongbong” Marcos, Jr sa kanilang kandidatura sa dalawang pinakamataas na posisyon sa gobyerno.

Sinabi ni Go na hahayan niyang linawin ng pamunuan ng PDP-Laban ang usapin.

“I will let the PDP leadership clarify these matters in due time. Alam ko naman po na wala kaming tinatanggihan,” sabi ni Go sa isang pahayag.

“Being the administration party, we have always exerted efforts to reach out to those who are supportive of PRRD,” dagdag ni Go.

Aniya pa, suportado niya ang vice presidential bid ni Duterte-Carpio. Ang anak ng Pangulo ay tatako sa pagka-bise presidente sa ilalim ng Lakas Christian Muslim Democrats (Lakas-CMD) ni dating pangulong Gloria Macapagal-Arroyo.

Si Duterte-Carpio ang ka-tandem ni Marcos habang wala pang pinangangalanang running mate si Go.

“With regard to Mayor Sara, we always wish her well. As I have said earlier, kung ako lang ang tatanungin, siya ang aking sinusuportahan sa pagka-Bise Presidente,” sabi ni Go.

Gayundin, binigyang-diin ni Go na sinunod niya ang mga patakaran at proseso ng parehong PDDS at ng ruling political party nang maghain siya ng kanyang certificate of candidacy (COC) para sa pangulo sa ilalim ng PDDS.

“The PDP Laban and PDDS have a very strong alliance. It is best to ask the PDDS and PDP Laban leadership regarding this matter,” sabi ni Go.

“We have joined the PDDS and have followed the internal rules and processes of both PDDS and PDP Laban. We are committed to the PDDS-PDP Laban alliance and will support the common candidates of both parties,” pagpupunto ni Go.

Nauna rito, sinabi ni Melvin Matibag, secretary general ng PDP-Laban Cusi faction na ang miyembro ng ruling party ay nanindigan sa alyansa nang magpasya itong suportahan ang alok sa pagkapangulo ni Go.

Naghain na rin si Pangulong Duterte ng kanyang COC sa ilalim ng PDDS nang magpasya siyang tumakbong senador sa Halalan 2022.

Hannah Torregoza

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...