Isang babae na nakalista bilang regional drug priority suspect kasama ang dalawa pa niyang kasamahan ang arestado ng pulisya kasunod ng ikinasahang buy-bust operation sa Quezon City nitong Martes ng gabi, Nob. 16.
Kinilala ni Police Lt. Col. Joewie Lucas, Quezon City Police District (QCPD) Station 5 (PS 5) commander ang mga suspek na sina Melanie David, 36 mula sa Balintawak Quezon City na nakalista bilang Regional Drug Priority Traget: John Carlo Yturralde, 22, residente ng Bagong Barrio Caloocan City; at Belen Marie Ayaquil, 21 mula sa Sampaloc, Maynila.
Batay a tip ng isang impormante, isinagawa ng PS 5 Drug Enforcement Unit (SDEU) ang entrapment operation sa Winston St. corner Commonwelath Ave., Brgy. Greater Fairview, nitong Martes, Nob. 16 bandang 10:10 ng gabi.
Nakuha sa mga suspek ang mahigit 100 gramo ng umano’y shabu na nagkakahalaga ng P680,000, isang cellphone at isang motorsiklo.
MANIBELA magkakasa ng libreng sakay sa Pasko at Bagong Taon
Kakasuhan si David at ang kanyang grupo ng paglabag sa Republic Act 9165 o ang “Comprehensive Dangerous Drugs Act of 2002.”
Aaron Homer Dioquino
