Bunsod ng maraming reklamo mula sa senior citizens at persons with disability (PWDs), tinalakay at inaprubahan ng dalawang komite ang apat na resolusyon hinggil sa pagkakaloob ng discounts at pribileheyo sa lahat ng kanilang online transactions.

Pinagtibay ng House Special Committees on Senior Citizens sa pamumuno ni Rep. Rodolfo Ordanes (Party-list, SENIOR CITIZENS) at ng Persons with Disability sa ilalim ni Rep. Ma. Lourdes Arroyo (5th District, Negros Occidental), ang mga resolusyon dahil sa mga reklamo ng senior citizens at PWDs na maraming business establishments ang ayaw magkaloob ng discount sa pamamagitan ng online transactions, kabilang ang food delivery ngayong umiiral ang pandemic. 

Ang pinagtibay ay ang House Resolution 1622 na akda ni Deputy Speaker Bernadette Herrera, na naglalayong imbestigahan ang "malicious practice of food delivery applications of not applying the senior citizen and PWD discounts in transactions made through them".

Pinagtibay rin ang HR 1626 na akda rin ni Herrera na siyasatin ang pagkabigo ng food delivery applications na sundin ang senior citizens discount na ipinagkakaloob alinsunod sa Republic Act 9994 o ng Expanded Senior Citizens Act of 2010.

Korte Suprema nagpawalang-bisa ng kasal dahil sa ‘controlling,’ ‘demanding’ na misis

Samantala, inaprubahan ang HRs 1450 at 1880 nina Ordanes at Rep. Alfred Vargas (5th District, Quezon City), na humihimok sa Department of Trade and Industry (DTI), Department of Social Welfare and Development (DSWD), National Commission on Senior Citizens (NCSC), National Commission on Disability Affairs (NCDA), at iba pang ahensiya ng pamahalaan na agad mag-draft at magpatupad ng guidelines tungkol sa applicability ng senior citizens at PWDs’ discounts and privileges sa lahat ng online transactions.