Binuksan na nitong Huwebes, Nobyembre 11, ng Metropolitan Manila Development Authority (MMDA) ang tulay o footbridge sa EDSA Buendia southbound upang maging ligtas ang mga pedestrian mula sa paggamit ng bagong loading/unloading bay para sa bus carousel sa lugar.
Sa ginanap na inagurasyon, sinabi ni MMDA Chairman Benhur Abalos na makatutulong ang footbridge sa pagpapagaan ng trapik sa lugar at mas madali ang biyahe ng EDSA busway at lalong ligtas din para sa mga commuters.
“Buendia is one of the busiest intersections in terms of pedestrian traffic and having this overpass for them to use will make their trips easy, secured, and safe,” ani Abalos.
Ang naturang pedestrian footbridge ay kokonekta sa MRT pedestrian overpass patawid ng EDSA Southbound na magsisilbing daanan ng mga patungo sa Makati Central Business District at vice versa, gayundin sa mga commuters na magmumula sa Bonifacio Global City.Maaaring maaccess ito mula Makati Avenue o sa southbound exit ng MRT Buendia Station.
Nasawi sa Air India nasa 270 na; pagkilala sa bangkay ng mga biktima, nagpapatuloy!
Ito na ang ika- 125 na footbridge na itinayo ng MMDA sa buong Metro Manila na nagseserbisyo sa tinatayang 3-milyong pedestrian kada araw.
Asahan na rin ang konstruksiyon ng mga tulay sa Tramo, Taft, at Roxas Boulevard para sa EDSA Bus Carousel.
Nagpahayag ng suporta at pasasalamat si Assistant Secretary Eymard Eje, OIC General Manager ng MRT-3, sa MMDA sa pagbubukas ng naturang footbridge.
“The Buendia footbridge would give comfort and safety to the EDSA Bus Carousel passengers,” pahayag nito.
Samantala, inihayag ni Abalos na pinag-aaralan na ng MMDA ang posibleng muling implementasyon ng number coding scheme dahil mas bumagal na aniya ang traffic speed nang lumueag ang quarantine restriction kumpara sa naitalang speed noong ipinapatupad ang enhanced commnuity quarantine
“Travel speed along EDSA from Roxas Boulevard going to Monumento is slower at 19 kilometers per hour (kph) now that we are under alert level 2 compared to 23kph during the ECQ. If we recorded the pre-pandemic speed of 11kph, it is possible that we shall re-implement the number coding scheme but we are monitoring the traffic volume count and the speed everyday,” paliwanag ni Abalos.
Aniya,ang bagong loading at unloading bays sa center island ng EDSA Buendia ay bahagi ng EDSA Bus Carousel project na layuning paluwagin ang trapik. Makatutulong ang mga bus lanes na mapataas ang travel speed at mas mabilis na oras sa pag-ikot ng mga ito.
Dumalo rin sa inagurasyon sina Land Transportation Franchising and Regulatory Board Chairman Martin Delgra, Department of Transportation (DOTr) Assistant Secretary for Road Transport and Infrastructure Mark Steven Pastor, at Transport Assistant Secretary for Special Concerns at I-ACT Chief Manuel Gonzales.
Bella Gamotea
