DAGUPAN CITY, Pangasinan -- Nagtalaga ng bagong provincial director ang Pangasinan Police Provincial Office (PPO) nitong Biyernes, Nobyembre 5.
Papalitan ni PCol. Richmond Laranang Tadina, dating Police Regional Office 1 (PRO1) Operations Division chief, si PCol. Ronald V. Gayo na acting provincial director.
Magsisilbing chief-of-staff ng PNP Aviation Security Group (AVSEGroup) si Gayo.
Sa isang panayam, sinabi ni Tadina na tututukan niya ang pagpapanatili ng kapayapaan at kaayusan ng lalawigan.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Sinabi rin niya na tututukan niya ang pagresolba sa mga insidente ng pamamaril sa lalawigan, habang guagawa ng mga hakbang para sa anti-criminality.
Bukod dito, pananatilihin din umano ni Tadina ang mga proyektong nagawa ni Gayo sa lalawigan.
Matatandaang nakatutok ang Pangasinan PPO sa mga anti-illegal drug, anti-carnapping, anti-illegal gambling operations, at pagtugis sa mga wanted na tao.Ahikam Pasion
