Umakyat na sa 25,000 na kabataan ang nagparehistro sa Bakunahan sa Kabataan vaccination program ng Las Piñas City Government nitong Nobyembre 4.

Patuloy pa rin ang panghihikayat ng lokal na pamahalaan sa mga magulang at guardians na iparehistro ang kanilang mga anak para makatanggap ng libreng bakuna mula sa gobyerno.

Nitong Huwebes sa ikalawang araw ng pagbubukas ng bakunahan sa General Pediatric Population na may edad 12 hanggang 17, pinangunahan ni Vice Mayor April Aguilar kasama ang mga konsehal na sina Boni Riguerra, Rey Balanag, Ruben Ramos, Peewee Aguilar,  Lord Aguilar, Rex Riguerra,  Danny Hernandez at Steve Miranda ang vaccination sites sa SM Center, University of Perpetual Help System Dalta Gym1, The Tent, Robinsons, SM Southmall at The Village Square.

Layunin nitong matiyak ng Las Piñas City Government na maayos ang bakunahan sa kabataan, nasusunod ang mga itinakdang proseso at pamantayan, makapagbigay pa ng mga paraan para sa mas mapabilis at mapalawak pa ang naturang programa ng lungsod.

Probinsya

OFW na hinoldap, inundayan ng saksak sa terminal sa Maynila, nakauwi na ba sa pamilya?

Nananatiling prayoridad ng lokal na pamahalaan ang kalusugan, kaligtasan at kapakanan ng mga Las Piñeros lalo na ngayong panahon ng pandemya.