Nakapagtala pa ang Department of Health (DOH) nitong Martes ng karagdagang 520 kaso ng mas nakahahawang COVID-19 Delta variant sa bansa.
Batay sa datos ng DOH, nabatid na mula sa 748 samples na naisailalim nila sa pinakahuling genome sequencing na kanilang isinagawa, 520 o 69.52% ang positibo sa Delta variant.Dahil dito, umaabot na ngayon sa 5,331 ang kabuuang Delta cases sa Pilipinas.
Nasa 83 naman o 11.10% ang positibo sa Beta variant sanhi upang umabot na sa 3,562 ang total cases nito sa bansa.
Nasa 64 naman o 8.56% ang positibo sa Alpha variant kaya’t sa ngayon mayroon nang 3,160 ang total cases nito sa Pilipinas.
National
Brice Hernandez, pumaldo ng ₱299M; nilagay sa kahon ng toyo, kape, chips, noodles!
Anang DOH, ang Delta variant pa rin ang nananatiling ‘most common lineage’ sa bansa sa mga na-sequenced nilang sample na umabot na sa 32.14%, kasunod naman ang Beta variant na may 21.47% habang pangatlo ang Alpha variant na may 18.72%.
Mary Ann Santiago
