Magsasagawa ang Department of Public Works and Highways (DPWH) ng reblocking at repairs sa ilang kalsada sa Metro Manila simula 11:00 ng gabi nitong Biyernes, Oktubre 8 hanggang Oktubre 11.
Sa traffic advisory ng Metropolitan Manila Development Authority (MMDA), isasaayos ng DPWH ang España Boulevard (magmula sa Extramadura St. hanggang M. Dela Fuente St.); C.P. Garcia Ave. pagkatapos ng Magiting St. (3rd lane mula sa sidewalk) bago Krus na Ligas (2nd lane buhat sa sidewalk); at EDSA-Tramo Flyover Aurora Blvd. (Tramo Off-Ramp) naman sa Pasay City.
Bubuksan sa mga motorista ang lahat ng apektadong kalsada sa Lunes, Oktubre 11 ng 5:00 ng madaling araw.
Pinapayuhan ng MMDA ang mga motorista na dumaan sa mga alternatibong ruta patungo sa kanilang destinasyon.
