CEBU CITY - Mahigit sa₱40 milyong halaga ng pinaghihinalaang shabu ang nasamsam ng mga awtoridad sa magkahiwalay na operasyon sa Lapu-Lapu City Cebu, nitong Biyernes, Oktubre 1.
Unang naaresto ng Philippine Drug Enforcement Agency (PDEA) Central Visayas si Esterlita Millanes, 40, sa Barangay Sangi, Lapu-Lapu, nitong Biyernes ng hapon.
Si Millanes ay nasa regional priority top 10 list ng PDEA, ayon sa arresting team.
Nasamsam sa kanya ang₱14 milyong halaga ng shabu.
Matapos ang isang oras, nakumpiska naman ng PDEA ang nasa₱27 milyong halaga ng shabu sa isa pang operasyon sa Brgy.Pusok, Lapu-Lapu. Dinakip sa operasyon sinaReny Dente Nabor, 48, at Rhodora Diaz Dayuha, 50.
'Cobra King' ng Leyte, patay sa tuklaw ng alagang ahas?
Nahaharap ang mga ito sa kasong paglabag sa Comprehensive Dangerous Drugs Act of 2002.
Calvin Cordova
