Manny Pacquiao, presidential bet ng PDP-Laban faction sa May 2022 polls-Balita

Opisyal na inendorso ng Partido ng Demokratikong Pilipino-Laban (PDP-Laban), na pinangungunahan ni Senador Aquilino "Koko" Pimentel III nitong Linggo, Setyembre 19, ang presidential bid ng Philippine boxing icon at Senador Emmanuel "Manny" Pacquiao para sa May 2022 national elections.

Pormal na tinanggap ni Pacquiao ang nominasyon bilang presidential bet ng ruling political party sa susunod na taon.

“Yes, I accept,” ani Pacquiao matapos ang nominasyon sa 11th National Assembly ng partido.

“I am a fighter. Wala akong laban na inaatrasan. Ang Manny Pacquiao na kilala nyo ay walang pinag-iba sa kasama ninyo laban sa kahirapan at katiwalian," aniya.

Noon pa man, bukas na umano si Pacquiao sa pagtakbo bilang presidente. Gayunman, ang PDP-Laban faction na pinangungunahan ni Energy Secretary Alfonso Cusi, inendorso ang tandem nina Senador Christopher "Bong" Go at President Rodrigo Duterte.

Sa parehong pagpupulong, iginiit ni Pimentel na sila ang lehitimong kinatawan ng PDP-Laban at lalabanan ang mga "hijacker" ng kanilang partido.

Matatandaan na nauna nang naghain ng petisyon si Cusi na humihiling sa Commission on Elections (Comelec) na ideklara sina Pimentel at Pacquiao bilang hindi legal na kasapi ng partido.

Ngunit sinabi ni Pimentel na ang kasalukuyang national assembly ay "constitutionally-protected" at tiwala na kilalanin ng poll body ang kanilang grupo bilang lehitimong partido ng PDP-Laban.

Inaprubahan din ng PDP-Laban ang isang resolusyon na iginagalang ang dating Senate President Aquilino "Tatay Nene" Pimentel Jr., isa sa mga pangunahing tagapagtatag ng political party, sa national assembly.

“Today, we will honor our party founder, Senate President Tatay Nene Pimentel. Here in PDP-Laban, we always give credit to whom credit is due,” ani Pimentel.

“Today, we will formally fight back against the hijackers. We will formally declare as correct what we have been doing all along. Ignoring them, but resisting them. Lalaban po tayo," ayon sa anak ng party founder.

Matatandaang humiwalay sina Pacquiao at Pimentel kay Duterte matapos ibunyag ni Pacquiao ang mga paratang ng katiwalian sa loob ng kanyang administrasyon.

Hannah Torregoza

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...