Magbibigay ng libreng flu vaccine at bitamina ang Pamahalaang Lungsod ng Caloocan sa mga frontliners laban sa COVID-19.
Ayon kay Mayor Oscar Malapitan, magiging prayoridad na mabakunahan ng libreng flu vaccine at mabigyan ng bitamina ang mga frontliners ng lungsod.
"Batid natin na ang nasa 5,000 empleyado o ang mga frontliner ng ating lokal na pamahalaan ay araw-araw humaharap sa peligro ng pandemya. Kaya naman, bukod sa COVID-19 vaccine, gusto natin bigyan sila ng karagdagang proteksyon upang patuloy silang makapaglingkod sa mga taga-Caloocan," pahayag ni Mayor Oca.
Magsisimula ang naturang gawain sa Setyembre 13, 2021 na gaganapin sa Bulwagang Katipunan (South) at SDC Covered Court (North).
Batid na uunahin ang mga empleyado mula sa Caloocan City Medical Center, Caloocan City North Medical Center, City Health Department, City Social Welfare and Development Department, Public Safety and Traffic Management Department, City Disaster Risk Reduction Management Office, Community Relations Office, City Environmental Management Department, at Office for Senior Citizens Affairs.
National
