Nagpatupad na ang isang kumpanya ng langis ng dagdag-presyo sa kanilang liquefied petroleum gas (LPG) sa pagpasok ng "ber" months nitong Setyembre 1.
Sa anunsyo ng Petron, ipinatupad ang pagtataas ng₱0.65 sa presyo ng kada kilo ng Gasul at Fiesta Gas katumbas ng P7.15 na dagdag-presyo sa bawat 11 kilogram na LPG tank nito.
Bukod dito, ipinatupad din ng Petron ang P0.36 na taas-presyo sa kada litro ng kanilang Auto LPG.
Asahan na ang pagsunod ng iba pang kumpanya sa kahalintulad na price hike sa cooking gas.
National
DOH, nakapagtala ng 17 firework-related injuries sa loob lamang ng 24 oras
Ipinatupad ang hakbang bunsod ng paggalaw sa contract price ng LPG sa international market.
Nitong Agosto 1, huling nagtaas ang kumpanya ng₱3.35 sa presyo ng regular LPG tank at₱1.87 sa presyo naman ng Auto LPG nito.
Bella Gamotea
