Iniulat ng Department of Education (DepEd) na umaabot na ngayon sa mahigit 9.1 milyon ang bilang ng mga enrollees na nagpatala para sa School Year 2021-2022.
Batay sa huling datos ng enrollment na inilabas ng DepEd nitong Huwebes, nabatid na hanggang alas-2:00 ng araw ng Agosto 26, ay umabot na sa kabuuang bilang na 9,197,265 ang mga nakapagpatalang mag-aaral na papasok sa Kindergarten hanggang Grade 12 sa mga pampubliko at pribadong paaralan sa buong bansa.
Sa naturang bilang, 4,385,985 na mag-aaral ang nagpatala sa mga pampublikong paaralan; 247,874 sa mga pribadong paaralan; at 6,079 naman sa mga state universities and colleges(SUCs)/ local universities and colleges (LUCs).
Samantala, nasa 4,557,327 naman ang nagpa-enroll sa idinaos na early registration ng DepEd noong Abril hanggang Mayo, 2021.
50.78% examinees, pasado sa Nov. 2024 Licensure Exam for Agriculturists
Anang DepEd, pinakamarami na ang nakapagpatala sa Region 4-A (1,549, 432), na sinusundan ng Region 3 (887,417), at NCR (874,035).
Mary Ann Santiago
