Kinumpirma ng Department of Health (DOH) na naitala nila ang kauna-unahang kaso ng Lambda variant ng COVID-19 sa bansa nitong Linggo, Agosto 15.
Batay sa ulat ng DOH, University of the Philippines - Philippine Genome Center (UP-PGC), at ng University of the Philippines - National Institutes of Health (UP-NIH), ang lumilitaw na unang kaso ng Lambda variant ay natukoy sa pinakahuling genome sequencing na isinagawa nila.
Ayon sa DOH, ang pasyente na dinapuan ng Lambda variant ay isang 35-anyos na babae na bina-validate pa kung local case o returning overseas Filipino (ROF). Kasalukuyan naman silang nagsasagawa ng back tracing at case investigation hinggil dito.
Ang pasyente ay asymptomatic at nakarekober na matapos na sumailalim sa 10-day isolation period.
Matatandaan na ang Lambda variant ng COVID-19 ay unang natukoy sa Peru noong Agosto 2020 at ito naman ay klasipikado bilang Variant of Interest (VOI) ng World Health Organization (WHO) noong Hunyo 14, 2021.
Congressmeow, balik-Kamara na; umaasang 'di na siya masuspinde!
Anang DOH, ang naturang VOI ay may potensiyal na makaapekto sa transmissibility ng SARS-CoV-2 at kasalukuyang minu-monitor para sa posibleng clinical significance nito.
Mary Ann Santiago
