Kinumpirma ni Manila Mayor Isko Moreno na 65% ng mga naitatalang COVID-19 patients sa lungsod na kasalukuyang naka-confine sa mga pagamutan doon ay pawang hindi bakunado.
Base naman sa In-Patient Vaccination Status ng mga ospital ng Maynila, sinabi ni Moreno na 11% ng mga pasyente ng COVID-19 na nasa mga city-run hospitals ay partially vaccinated habang 24% naman ang fully-vaccinated.
“Ito ang dahilan kung bakit araw-araw, linggo-linggo ang aking panawagan na magpabakuna, kahit gaano kahirap, dahil ‘yun ay tiyak na proteksyon sa tao. Kapag di ka bakunado, malaki ang tiyansa na ikaw ay maimpeksyon. I hope maliwanag sa inyo magkaideya kayo bakit ako nangangampanya na tayo ay magpabakuna. Kaya kahit mahaba pila, mainit, umuulan, di talaga ako titigil dahil ito ay science, hindi hula o pananaw lamang,” sabi ni Moreno.
Kaugnay nito, iniulat rin ng alkalde na ang ipinatayo nilang Manila COVID-19 Field Hospital (MCFH) sa Luneta ay malapit na ring umabot sa full capacity, batay na rin sa ulat ng direktor nito na si Dr. Arlene Dominguez.
Nakonsensyang holdaper, kusang sumuko sa pulisya; ginamit na kutsilyo at baril, laruan lang!
Ayon kay Moreno, 88% o 302 ng kabuuang 344-bed capacity ng MCFH ay okupado na sa ngayon.
Samantala, pinangunahan rin naman ng alkalde ang paglulunsad ng 24/7 mass vaccination sa Maynila nitong Linggo.
Nanawagan pa ang alkalde sa mga residente na pairalin ang basic health protocols at self-discipline at intindihin ang umiiral na regulasyon sa kanilang pagpapabakuna.
Mary Ann Santiago
