Nakapagtala pa ang Department of Health (DOH) ng 8,167 bagong kaso ng COVID-19 sa bansa hanggang alas-4:00 ng hapon nitong Lunes, Agosto 2, 2021.
Batay sa case bulletin no. 506 ng DOH, nabatid na dahil sa naturang bagong bilang, umaabot na ngayon sa 1,605,762 ang total COVID-19 cases sa Pilipinas.
Gayunman, sa naturang bilang, 3.9% na lamang o 62,615 ang aktibong kaso o nagpapagaling pa mula sa karamdaman.
Sa aktibong kaso, 93.9% ang mild cases, 2.1% ang severe, 1.48% moderate, 1.3% asymptomatic, at 1.2% ang critical.
#WalangPasok: Class suspensions ngayong Biyernes, Sept. 20
Mayroon rin namang karagdagang 9,095 na bagong gumaling mula sa karamdaman kaya’t sa kabuuan, umaabot na ngayon sa 1,515,054 ang total COVID-19 recoveries sa bansa o 94.4% ng total cases.
Samantala, mayroon din namang 77 pasyente ang namatay dahil sa kumplikasyong dulot ng COVID-19.
Sa ngayon, mayroon nang 28,093 total COVID-19 death toll sa bansa o 1.75% ng total cases.
Ayon sa DOH, mayroon ring 94 duplicates ang inalis nila mula sa total case count, kabilang dito ang 20 recoveries.
Mayroon ring 19 kaso na unang na-tagged bilang recoveries ngunit malaunan ay natukoy na aktibong kaso pa pala ang mga ito.
Mayroon ring 29 kaso na unang na-tagged na recoveries ngunit kalaunan ay natukoy na binawian na pala ng buhay sa pinal na balidasyon.
Mary Ann Santiago
