Inanunsyo ni National Capital Region Police Office (NCRPO) chief, Maj. General Vicente Danao Jr. ang pagkakasabat ng tinatayang ₱863 milyong halaga ng pinaghihinalaang iligal na droga sa tatlong Chinese sa ikinasang anti-illegal drug operation ng awtoridad sa Quezon City nitong Linggo.
Ķinilala ang mga naaresto na sina Wille Lu Tan/Chen Bien, 42; Antong Wong/Wang Zhong Chun/Wang Min, 28; at Chen Zhin, 79.
Sa ulat ng NCRPO, magkakatuwang ang Philippine Drug Enforcement Agency (PDEA)- Intelligence and Investigation Service, PDEA- Special Enforcement Service, PDEA-National Capital Region, Task Force NOA, National Intelligence Coordinating Agency, PNP Drug Enforcement Group at Novaliches Police Station ( PS-4) ng Quezon City Police District (QCPD) sa pagsasagawa ng operasyon sa No.47 Magsaysay St., Barangay San Bartolome, Novaliches,Quezon City, na nagresulta sa pagkakaaresto ng tatlong suspek, nitong Agosto 1, dakong 10:30 ng umaga.
Nasabat sa tatlo ang 127 kilo ng shabu na nagkakahalaga ng₱863,600,00.
Bagyo sa labas ng PAR, pinangalanan nang ‘Romina’; Signal #1, itinaas sa Kalayaan Islands
Patuloy pa ang imbestigasyon ng mga awtoridad upang matukoy at maaresto pa ang mga kasabwat nila sa sindikato.
Nakakulong na ang mga ito habang inihahanda ang kakaharapin nilang kasong paglabag a Comprehensive Dangerous Drugs Act of 2002.
Bella Gamotea
