Ito ang mga posibleng kandidato sa pagka-senador sa 2022

By Balita Online

July 23, 2021

In OPINYON

May sampung buwan pa bago magdaos ng 2022 elections, pero may ilan ng partido-pulitikal ang naghahayag na ng kanilang posibleng mga kandidato sa pagka-senador.

Kung titingnan at susuriing mabuti ang mga pangalan nila, karamihan sa pumupuntirya sa Senado ay pawang dating Senador at kasalukuyang miyembro ng Mataas na Kapulungan at mga miyembro ng Duterte cabinet.

Nag-release sa media sina Sen. Panfilo Lacsonat Senate President Vicente Sotto III ng listahan ng 10 posibleng kandidato nila, na kinabibilangan ng nakaupong mga senador at dating senador. Sina Lacson at Sotto ay nagpahiwatig na tatakbo sa 2022 bilang pangulo (Lacson) at Sotto (pangalawang pangulo).

Kabilang sa slate ng 16 senatorial bets ni Pres. Rodrigo Roa Duterte (PRRD) para sa 12 upuan sa Senate--ay inihayag ni Eastern Samar Gov. Ben Evardone, PDP-Laban vice president for Visayas. Kabilang sa kanila ang ilang miyembro ng gabinete, celebritiesat isang media personality.

Ang mga kandidato ng administrasyon ay laging may bentaha o advantage dahil kumpleto sa pondo, may state-run media para sa propaganda. Bukod dito, pabor sa kanila ang endorsement ni PRRD.

Sa Lacson-Sotto tandem, nasa listahan sina ex-Sen. Joseph Victor (JV) Ejercito, Information and Communications Technology Sec.GregorioHonasan, Deputy House Speaker Loren Legarda (Antique), Senate Majority Leader Miguel Zubiri, Sorsogon Gov.Francis "Chiz" Escudero (dating Senador), Sen. Sherwin Gatchalian, former Commission on Elections CommissionerGoyo Larrazabal, Rep. Lucy Torres-Gomez (Leyte 4th District) at Sen. Joel Villanueva.

Kabilang sa listahan na inihayag ni Evardone ay sina presidential legal counsel Salvador Panelo, presidential spokesman Harry Roque, DoTr Sec. Arthur Tugade, Metropolitan Manila Development Authority Chairman Benhur Abalos, Presidential Communications Operations Office Martin Andanar,Presidential Anti-Corruption Commission Commissioner Greco Belgica, Labor Secretary Silvestre Bello III, Cabinet Secretary Karlo Nograles, Robin Padilla (Actor), Willie Revillame (TV host), Raffy Tulfo (columnist), at Public Works and Highways Sec. Mark Villar.

Sinabi naman ni Sen. Leila De Lima, vocal critic ng Duterte administration na ipinakulong ng Pangulo sa bintang na illegal drug trade, na muli siyang tatakbo. Tatakbo rin sina Sens. Risa Hontiveros at Francis Pangilinan, mga miyembro ng Senate minority bloc.

Samantala, wala pang inihahayag ang 1Sambayan at maging ang kampo ni Vice Pres. Leni Robredo kung sino ang kanilang mga kandidato. May nagtatanong pa: Tatakbo ba si beautiful Leni o hindi?

Bert de Guzman

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...