1 sundalo, 2 sa CAFGU, patay sa NPA attack sa military camp sa E. Samar

By Balita Online

July 07, 2021

In BALITA Probinsya

TACLOBAN CITY - Tatlo ang naiulat na nasawi, kabilang ang isang sundalo at dalawang miyembro ng Civilian Armed Forces Geographical Unit (CAFGU) nang lusubin ng grupo ng pinaghihinalaang New People's Army (NPA) ang bagong tayong kampo ng militar sa Jipapad,

Easter Samar, nitong Miyerkules ng umaga.

Hindi muna isinapubliko ng militar ang pagkakakilanlan ng nasawing miyembro ng 52nd Infantry Battalion (IB) ng Philippine Army (PA) at dalawang miyembro ng CAFGU hangga't hindi pa ipinapaalam sa pamilya nito ang insidente.

Sa paunang ulat ng militar, apat pang sundalo ang nasugatan sa insidente at isinugod sa isang ospital asa Arteche sa lalawigan.

Binanggit sa report na papasok na sana ang mga sundalong sakay ng military truck sa kanilang kampo upang tapusin ang konstruksyon nito nang pasabugan sila ng land mine, dakong 6:45 ng umaga.

Bukod dito, pinagbabaril ng mga armadong rebelde ang mga sundalo na ikinasawi ng tatlo sa kanilang grupo.

Ayon sa militar, tumagal ng 20 minuto ang sagupaan ng magkabilang panig bago umatras ang mga rebelde.

Habang isinusulat ang balitang ito, tinutugis pa rin ng militar at pulisya ang grupo ng mga rebelde.

Marie Tonette Marticio

Isko Moreno Domagoso, nanumpa na bilang bagong-halal na alkalde ng Maynila

Pormal nang nanumpa si Manila Mayor-elect Francisco “Isko Moreno” Domagoso sa Supreme Court En Banc Session Hall in Ermita, Manila.Kinumpirma ito ni Domagoso nitong Martes, Mayo 20, sa isang Facebook post. 'Inagahan na natin ang pagtupad sa rekisitos na ito para mailaan na natin ang ating buong panahon at isip sa mas mahahalagang bagay tulad ng pagbibigay solusyon at aksiyon sa mga...

From ₱5K to ₱5M? Negosyante sa Cainta, kumubra ng ₱5.94M premyo sa PCSO

Kumubra ng ₱5.9 milyong premyo ang isang 57-anyos na negosyante mula sa Cainta sa tanggapan ng Philippine Charity Sweepstakes Office (PCSO).'As a lotto enthusiast for over 30 years, the lucky winner used the System 9 play and advance draw feature, with a ticket worth ₱5,040.00, to secure the prize,' saad ng PCSO kamakailan. Napanalunan ng negosyante ang ₱5,940,000 Lotto 6/42...

Magnitude 4.2 na lindol, yumanig sa Surigao del Sur

Yumanig ang magnitude 4.2 na lindol sa Surigao del Sur nitong Martes ng umaga, Mayo 20.Sa datos na Phivolcs, nangyari ang lindol bandang 7:11 ng umaga sa Marihatag, Surigao del Sur, na may lalim ng 2 kilometro.Samantala, wala namang inaasahang aftershocks at pinsala matapos ang lindol.